Goddur með leiðsögn um Hjalta Karlsson á síðasta sýningardegi

sunnudagur, 5 október, 2014 - 14:00 - 15:00
Goddur með leiðsögn um Hjalta Karlsson á síðasta sýningardegi

Á síðasta sýningardegi sýningarinnar ,,Svona geri ég" á verkum grafíska hönnuðarins Hjalta Karlssonar, verður Guðmundur Oddur Magnússon, Goddur, með leiðsögn fyrir almenning um sýninguna.

Godur nam myndlist í Reykjavík og grafíska hönnun í Vancouver í Kanada. Hann hefur kennt grafíska hönnun frá 1993, fyrst í Myndlistarskólanum á Akureyri og síðar í Myndlista- og handíðaskólanum og í Listaháskóla Íslands þar sem hann er prófessor í grafískri hönnun.

Á sýningunni, sem kemur frá Rösska,hönnnarsafni Svía í Gautaborg er til sýnis úrval grafískrar hönnunar sem Hjalti hefur unnið frá því að hann útskrifaðist sem grafískur hönnuður árið 1992. Hjalti á og rekur auglýsingastofuna Karlssonwilker í New York, í samstarfi við Jan Wilker. Hjalti er núverandi verðlaunahafi norrænu Söderbergverðlaunanna, Torsten och Wanja Söderbergspris, sem veitt er í nóvember á hverju ári, framúrskarandi norrænum hönnuði eða hönnunarteymi, fyrir verk sín.