Fréttir

Kristín Þorkelsdóttir verður á safninu sunnudaginn frá kl. 13-15 og tekur á móti gestum.
Að baki hvers þjóðþekkts verks Kristínar liggja ógrynni af skissum, tilraunum og pælingum, sem ekki hefur verið safnað saman til sýningar fyrr en nú. Á sýningunni má því sjá kunnugleg og áður óséð verk, sem samanlagt umbreyttu smátt og smátt ungri myndlistarkonu í einn helsta brautryðjanda landsins á sviði grafískrar hönnunar.
Sýning á verkum Kristínar stendur yfir í Hönnunarsafni Íslands til 30. desember.
 

Lesa áfram

Plöntu prent, sunnudaginn 12. september kl. 13-14

Fata og textílhönnuðurinn Magna Rún leiðir smiðju í plöntu prenti. Sama dag lýkur sýningu á rannsóknarverkefni Sigmundar Páls Freysteinssonar, Náttúrulitun í nútímasamhengi. Aðgangur að safninu gildir á smiðjuna og efni sem þarf til þáttöku er innifalið.
Frítt fyrir yngri en 18 ára.

Lesa áfram

Sunnudaginn 5. september frá kl.13-15 verður Peningasmiðja fyrir alla fjölskylduna með Rán Flygenring teiknara og Stefáni Pálssyni sagnfræðingi í Hönnunarsafni Íslands. Vangaveltur um gjaldmiðil landnámsmanna og peningaseðla samtímans er efni smiðjunnar sem er liður í verkefninu Við langeldinn/Við eldhúsborðið sem styrkt er af Barnamenningarsjóði. Að lokum vangaveltum og spjalli á sýningunni Kristín Þorkelsdóttir verða peningaseðlar framtíðarinnar teiknaðir í Smiðjunni, fræðslurými Hönnunarsafnsins. Smiðjan er ókeypis.

Um Við langeldinn/Við eldhúsborðið:

Lesa áfram

Sunnudaginn 15. ágúst kl. 13:00 verður leiðsögn um sýninguna, "Kristín Þorkelsdóttir", í Hönnunarsafni Íslands.

Sýningarstjórarnir Birna Geirfinnsdóttir og Bryndís Björgvinsdóttir sjá um leiðsögnina.

Lesa áfram

Við fögnum því að Sigmundur P. Freysteinsson sem dvalið hefur í opnu rannsóknarrými safnsins hefur tekið rannsókn sína á textíllitun saman í bókverk sem inniheldur greinargóðan gagnagrunn náttúrulita úr íslensku umhverfi. Samtals um 440 litatónar. Til að byrja með verða einungis gefin út örfá eintök af bókverkinu sem verður fáanlegt á viðburðinum fyrir 25.000 kr.


Sólrún Arnardóttir sem stundar nám í textílhönnun við Central Saint Martins hefur aðstoðað Sigmund við verkið.
Markmiðið með rannsókninni er að kanna möguleika íslenskrar textíllitunar sem umhverfisvænan valkost fyrir framleiðslu á nútíma hönnun. Verkefnið tekur mið af íslenskri jurtalitunarsögu og horfir til framtíðar hvernig við þróum þekkingu á því sem landið gefur.
Verkefnið er styrkt af Hönnunarsjóði.

Lesa áfram

Vinnustöfudvöl verður miðvikudaginn 16. júní kl. 16. Sveinbjörn Gunnarsson hefur starfað sem grafískur hönnuður undanfarin 40 ár. Hann hefur alla tíða haft áhuga og gaman af módelgerð og míneatúrum sem hann skapar af einstakri natni og hugmyndaauðgi. Efniviðinn finnur hann í sínu nánasta umhverfi og umbreytir á skapandi hátt. Sveinbjörn leggur mikið upp úr pakkningum verka sinna sem eru ávallt mikilvægur hluti af heildinni og fullkomna verkin.

 

Lesa áfram

Sunnudaginn 6. júní kl. 14:00 verður leiðsögn um sýninguna, Kristín Þorkelsdóttir, í Hönnunarsafni Íslands. Sýningarstjórarnir Birna Geirfinnsdóttir og Bryndís Björgvinsdóttir sjá um leiðsögnina.

Lesa áfram

Sigmundur Páll Freysteinsson mun fjalla um verkefni sitt Náttúrulitun í nútíma samhengi. Sigmundur hefur rannsakað markvisst litun á textíl með litarefnum úr íslenskri náttúru. Hann mun miðla rannsókn sinni ásamt fyrri verkefnum og framtíðaráformum í rannsóknarrými Hönnunarsafns Íslands þar sem hann dvelur í sumar við störf sín.
Aðgangseyrir að safninu gildir.

Lesa áfram

NÁTTÚRULITUN í nútímasamhengi
Sýningin Náttúrulitun í nútíma samhengi verður opnuð 20. maí kl. 12 í Hönnunarsafni Íslands. Sigmundur er fatahönnuður sem útskrifaðist frá Listaháskóla Íslands árið 2019. Hann hefur góða reynslu í tilraunakenndri sníðagerð, hönnun, jurtalitun og nýsköpun í textíl. Markmið hans er að þróa ný kerfi í sjálfbærri hönnun og umverfisvænni framleiðslu, sem nýtir auðlindir Íslands. Sigmundur hefur afnot af rannsóknarrými safnsins í sumar og gestir fá hér innsýn inn í rannsóknar- og hönnunarferlið. Við veltum sjaldan fyrir okkur uppruna lita í textílefnum, en flestir litir í textílefnum eru kemískir.

Lesa áfram

Fáir hér á landi hafa skilað af sér jafn mörgum listaverkum, sem tekið er sem sjálfgefnum, og hönnuðurinn Kristín Þorkelsdóttir. Verk hennar hafa verið hvað mest áberandi við hinar hversdagslegustu aðstæður, svo sem inni í ísskápum landsmanna, ofan í töskum þeirra eða við hefðbundið borðhald. Þó má einnig finna verk Kristínar á jafn óaðgengilegum stöðum og í læstum öryggishirslum Seðlabanka Íslands. Enda er Kristín bæði hönnuður fjölmargra umbúða um matvæli og höfundur núgildandi peningaseðlaraðar, sem hún vann að ásamt hönnuðinum Stephen Fairbairn. Þá hefur Kristín hannað urmul auglýsinga, bækur og ýmis þjóðþekkt merki, sem mörg hafa verið í notkun í yfir fimm áratugi.

Lesa áfram