Fréttir

FJÖLSKYLDUSMIÐJA verður haldin sunnudaginn 22. september kl. 13-15 í Hönnunarsafni Íslands. Smiðjunni verður stillt upp sem borðspili í yfirstærð þar sem þáttakendur taka þátt í að byggja upp borg. Þannig gefst innsýn í heim byggingarlistar og borgarskipulags á aðgengilegan og áhugaverðan hátt.

Spilað verður eftir leikreglum sem endurspegla einfaldaða útgáfu af samfélagi á skemmtilegan máta. Smiðjan hentar fróðleiksfúsu og forvitnu fólki á öllum aldri.

Kristján Örn Kjartansson arkitekt og einn af stofnendum arkitektastofunnar KRADS og Lóa Hjálmtýsdóttir, teiknari og tónlistarmaður stýra smiðjunni.

Lesa áfram

Signý Þórhallsdóttir hefur dvalið í Hönnunarsafni Íslands undanfarna mánuði með vinnustofu þar sem hún hefur verið að þróa og framleiða vörur úr silki og ull fyrir vörumerki sitt Morra. Nú fer að koma að lokum vinnustofudvalarinnar og ætlum við að skála fyrir Signýu og þakka henni fyrir einstaklega góða samveru. Því verður haldin UPPSKERUHÁTÍÐ föstudaginn 20. september kl. 17:30 í Hönnunarsafninu.

Til viðbótar við silkislæðurnar hafa nú bæst dásamlegar ullarslæður og sparisloppur þar sem íslenska flóran er enn í aðalhlutverki. Verið þið hjartanlega velkomin.

Lesa áfram

FJÖLSKYLDUSMIÐJAN Að byggja borg verður í Hönnunarsafni Íslands sunnudaginn 15. september nk. kl. 13-15. Smiðjunni verður stillt upp sem borðspili í yfirstærð þar sem þáttakendur taka þátt í að byggja upp borg. Þannig gefst innsýn í heim byggingarlistar og borgarskipulags á aðgengilegan og áhugaverðan hátt. Spilað verður eftir hnitmiðuðum leikreglum sem endurspegla einfaldaða útgáfu af samfélagi á skemmtilegan máta.

Smiðjan hentar fróðleiksfúsu og forvitnu fólki á öllum aldri. Kristján Örn Kjartansson arkitekt og einn af stofnendum arkitektastofunnar Kards og Lóa Hjálmtýsdóttir, teiknari og tónlistarmaður stýra smiðjunni. Aðgangur er ókeypis.

Lesa áfram

PÓLSKT GÖTUBITABOÐ
Fátt gæti passað betur við sýninguna Borgarlandslag en götubiti. Eftir leiðsögn Paolo Gianfrancesco um sýninguna, þar sem hann leggur sérstaka áherslu á Varsjá, tekur Pola Sutryk við keflinu.
Pola, sem er frá Varsjá hefur nýlega sest að í Reykjavík og ætlar að segja okkur sína sögu af Varsjá í gegnum götubita (e.street food), drykk og forvitnilegan eftirrétt , sem var hannaður eftir stríð sem tákn um endurreisn höfuðborgarinnar.

Veitingar: Pola Sutryk, kokkur og kennari, með brennandi áhuga á ferðalögum, sjálfbærni í matargerð, staðbundnu lostæti, listum, hönnun og kvikmyndum, sem reynir stöðugt að vinna með allar þessar ástríður í einu! “I fell in love in the Icelandic way of living, the light, colors and landscapes and I’ve never felt more peaceful in my life.”

Lesa áfram

Nú dýfum við okkur til Denver, Colorado í tengslum við sýninguna Borgarlandslag í Hönnunarsafni Íslands eftir Paolo Gianfrancesco. Viðburðurinn verður í Hönnunarsafni Íslands fimmtudaginn 29. ágúst nk. kl.18:00 - 20:00

Denver Dýfa er hluti af röð viðburða og fyrirlestra sem safnið stendur fyrir í tengslum við sýninguna Borgarlandslag. Á meðan á sýningunni stendur er sex völdum borgum gert hátt undir höfði með ævintýralegum viðburðum. Þar deila borgarbúar Reykjavíkur af erlendum uppruna sögum sínum og fjalla um borg upprunalands síns í gegnum mat, tónlist og fleira. Í vor brugðum við okkur til Rómar í gegnum bragðlaukana og til Belgrad með serbneskri tónlistarveislu. Nú er framundan hugleiðsluferðalag til Denver, Colorado,

DENVER DÝFA

Lesa áfram

FYRIRLESTRAR og SMÁSTUNDAMARKAÐUR verða í Hönnunarsafni Íslands fimmtudaginn 22. ágúst nk. Regína Bjarnadóttir, þróunarhagfræðingur og framkvæmdarstjóri Auroru velgerðasjóðs segir frá tildrögum og mótun verkefnisins Sweet Salone. Guðbjörg Káradóttir leirkerasmiður og þátttakandi í Sweet Salone flytur fyrirlestur undir yfirskriftinni LISTIN AÐ FERÐAST OG LEIRA Í LEIÐINNI.

Sweet Salone er samstarfsverkefni íslenskra hönnuða, Auroru velgerðasjóðs og handverksfólks í Sierra Leone. Verkefnið varð til að frumkvæði Auroru Velgerðasjóðs árið 2017. Markmiðið er að skapa tækifæri og atvinnu fyrir handverksfólk í Sierra Leone samtímis því að víkka sjóndeildarhring allra þeirra sem taka þátt. Útkoman er einstakt verkefni og ævintýri þar sem vinátta, hönnun, handverk, sjálfbærni og viðskipti haldast í hendur.

Lesa áfram

MORRA
Fatahönnuðurinn Signý Þórhalldóttir kemur sér fyrir með vinnuaðstöðu í safnbúð Hönnunarsafns Íslands og mun halda áfram að þróa vörulínu sína MORRA. Innflutningspartýið verður haldið þann 17. júní nk. kl. 14. 17. júní hátíðarhöld Garðabæjar verða haldin á Garðatorgi og því verður líf og fjör á torginu. Frítt verður inn á Hönnunarsafnið og því tilvalið að kíkja.

Í dag samanstendur MORRA af silkislæðum og veggmyndum á pappír þar sem íslenska flóran er í aðalhlutverki, og nú munu nýjar vörur bætast við í sumar.

Lesa áfram

SAFNIÐ Á RÖNGUNN
Skráning á keramiksafni
OPNUN á laugardaginn 25. maí kl. 15:00.

Anna Eyjólfsdóttir myndlistarmaður hóf söfnun á leirmunum eftir íslenska listamenn árið 1979. Árið 2017 samanstóð safnið af tæplega 2000 gripum, sem spanna tímabilið frá 1932 til dagsins í dag. Þetta er stærsta einstaka keramíksafn landsins. Hönnunarsafn Íslands eignaðist það með styrk frá Blá Lóninu.

Lesa áfram

Paolo Gianfrancesco, arkitekt, verður með leiðsögn um sýninguna Borgarlandslag laugardaginn 18. maí kl. 13.00.
Sýningin samanstendur af 100 borgarkortum sem Paolo hefur útfært og hannað. Með því að sýna saman kort af öllum höfuðborgum Evrópu og stærstu borgum í fylkjum Bandaríkjanna gefst yfirsýn sem ekki er möguleg á Google Maps eða með því að fletta í bók, ekki einu sinni með því að ferðast.
Borgir eru svo sannarlega magnað sköpunarverk. Leiðsögnin fer fram á ensku. Frítt er inn á safnið á Alþjóðlega safnadaginn 18. maí.

Lesa áfram

Serbneskt boð innblásið af Belgrad í tengslum við sýninguna Borgarlandslag í Hönnunarsafni Íslands eftir Paolo Gianfrancesco verður föstudaginn 10. maí 2019, kl. 20:00 - 22:00.

Jelena Ciric leiðir gesti um sögu Belgrad og Serbíu með söng og tónlistarflutningi ásamt Margréti Árnadóttur á harmónikku, allt frá dögum Tyrkjaveldisins til dagsins í dag. Gestum er einnig boðið að flögra um sýninguna undir leiðsögn Paolo Gianfrancesco, með serbnesku smáréttaívafi.

Heiðursgestur: Jelena Ciric, tónlistarkona og lagahöfundur er fædd í Serbíu, ólst upp í Kanada og bjó á nokkrum stöðum í heiminum áður en hún settist að á Íslandi árið 2016.

Meðleikari: Margrét Arnardóttir á harmónikku.

Veitingar: Andrea Stojanovic, kokkur og varaformaður Serbneskar Menningarmiðstöðvar á Íslandi.

Veislustjóri: Hlín Helga Guðlaugsdóttir, einn sýningarstjóra sýningarinnar.

Lesa áfram