íslensk hönnunarsaga

Á dögunum færði Hjalti Geir Kristjánsson húsgagnahönnuður Hönnunarsafninu stól að gjöf. Um er að ræða borðstofustól sem Hjalti hannaði árið 1963 og var framleiddur og seldur um árabil hjá Kristjáni Siggeirssyni hf. Eintakið sem Hjalti færði safninu er með bólstraðri leðursetu og grindin úr palisander. Stóllinn er glæsileg viðbót í stólasafn Hönnunarsafnsins en fyrir á safnið fimm mismunandi tegundir af stólum eftir Hjalta Geir sem finna má víða í opinberum byggingum eða á heimilum fólks. Þetta eru hægindastólar, borðstofustólar og fundarstólar. Nýverið var borðstofustóllinn frá 1963 endurframleiddur í 170 eintökum úr eik og tekki fyrir Canopy Hótel Hilton á Hljómalindarreitnum í Reykjavík. Stóllinn er fágaður og sómir sér vel og hann má finna á sýningu safnsins Stóll, sem var opnuð 18. mars síðastliðinni.

Lesa áfram

Stóll

Stóll er ný sýning sem verður opnuð í Hönnunarsafninu í aðdraganda HönnunarMars. Á sýningunni er fjöldi stóla eftir íslenska hönnuði og verður sýningin opnuð laugardaginn 18. mars kl. 15.

Stólarnir eru úr sístækkandi safneign Hönnunarsafnsins. Þeir elstu frá 4. áratugnum en sá yngsti frá 2013. Stólasafnið telur nokkur hundruð stóla, allt frá innlendri og erlendri fjöldaframleiðslu til stóla sem voru sérhannaðir fyrir ákveðna staði eða eru frumgerðir sem hönnuðir leggja fram sem tillögur í þróunarvinnu sinni.

2017-03-18T17:30:00 to 2017-06-18T17:30:00
Lesa áfram

Starfsmaður í mótttöku og safnbúð óskast. Hönnunarsafn Íslands er sérsafn á landsvísu sem rannsakar, varðveitir og miðlar íslenskri og erlendri hönnunarsögu. Safnið er staðsett í hjarta Garðabæjar á Garðatorgi í Garðabæ. Í safninu er boðið upp á sýningar allt árið og ýmsa viðburði sem hafa að leiðarljósi að miðla þekkingu á hönnun til allra aldurshópa. Safnið er ein af stofnunum Garðabæjar og rekið í samræmi við mannauðsstefnu bæjarins. 

Við leitum að stundvísum, ábyrgum og heiðarlegum liðsmanni til að starfa í móttöku safnsins og safnbúð um helgar.

 Helstu verkefni og ábyrgð:

  • Gæsla á sýningarrýmum og afgreiðslustörf
  • Símsvörun
  • Tilfallandi verkefni er tengjast starfsemi safnsins

Menntun, reynsla og hæfni:

Lesa áfram

Íslensk hönnunarsaga - leiðsögn um sýningar

Date: 
sunnudagur, 22 janúar, 2017 - 14:00 - 15:00
Íslensk hönnunarsaga - leiðsögn um sýningar

Sunnudaginn 22. janúar mun Harpa Þórsdóttir forstöðumaður safnsins bjóða upp á leiðsögn um sýningar Hönnunarsafnsins. Leiðsögnin hefst á sýningunni Á pappír þar sem sýnt er úrval teikninga og skissa úr safneign safnsins og úr einkasöfnum.

Íslenska
Lesa áfram

Sunnudaginn 22. janúar mun Harpa Þórsdóttir forstöðumaður safnsins bjóða upp á leiðsögn um sýningar Hönnunarsafnsins. Leiðsögnin hefst á sýningunni Á pappír þar sem sýnt er úrval teikninga og skissa úr safneign safnsins og úr einkasöfnum.

Verkin gefa mynd af vinnubrögðum hönnuða og myndlistarmanna við gerð umbúða, auglýsinga, bókakápa og húsgagna- og  innanhússhönnunar allt frá þriðja áratug síðustu aldar fram á þann sjöunda og mun Harpa meðal annars segja frá verkum Lothar Grund sem hannaði ýmsa innviði og markaðsefni fyrir Hótel Sögu fyrir opnun þess árið 1962. Þeir sem eiga verk á sýningunni auk Lothars eru Kristín Þorkelsdóttir, Sverrir Haraldsson, Stefán Jónsson, Jón Kristinsson (Jóndi) og Jónas Sólmundsson.

Lesa áfram

Föstudagskvöldið 5. febrúar er Safnanótt í söfnum á höfuðborgarsvæðinu. Hönnunarsafnið hefur ávallt boðið upp á fjölbreytta dagskrá á þessu kvöldi. Við bjóðum alla velkomna til okkar, aðgangur er ókeypis og það er tilvalið að gefa sér góða stund til að skoða. Tvær sýningar eru í sölum safnsins, annars vegar sýningin ,,Geymilegir hlutir" á munum úr safneign safnsins þar sem áhersla er lögð á að segja frá uppbyggingu safnkosts þessa unga safns og um leið hvernig verið er að rannsaka íslenska hönnunarsögu. Hin sýningin er yfirlitssýning á verkum leirlistakonunnar Steinunnar Marteinsdóttur sem fagnar áttræðisafmæli sínu síðar í þessum mánuði. Steinunn er einn mikilvirkasti íslenski leirlistamaðurinn okkar. Hún hefur farið ótroðnar slóðir í sinni sköpun og segir frá ýmsu í hálftíma langri viðtalsmynd sem Hönnunarsafnið lét taka upp í tengslum við undirbúning sýningarinnar.

Lesa áfram

Sunnudaginn 25. október kl. 14:00 verður Þóra Sigurbjörnsdóttir sérfræðingur sem hefur umsjón með safneign Hönnunarsafnsins með leiðsögn um sýninguna Geymilegir hlutir og kynnir verkefnið Safnið á röngunni í Hönnunarsafni Íslands.

Lesa áfram
Subscribe to RSS - íslensk hönnunarsaga