Örveruráheimilinu

Opnunin verður að sjálfsögðu með örveruívafi í mat og drykk en sýningin Örverur á heimilinu er hluti af sýningarröðinni Heimsókn á Hönnunarsafni Íslands. Hún leiðir okkur inn í samstarf mannfólks við þessar örsmáu félagsverur, sem er að finna í svo að segja öllum hornum heimilisins. Hún beinir kastljósinu að fjölbreyttri örveruflóru sem umlykur okkur og býr innra með okkur, því ólíka samstarfi sem við eigum við örverur í hversdeginum og er ætlað að hvetja fólk til frekara samstarfs við örverur dags daglega.