Fréttir

Sunnudaginn 14. mars kl 14:00 mun Þóra Sigurbjörnsdóttir, safnafræðingur Hönnunarsafns Íslands ganga með gestum um sýninguna Deiglumór, keramik úr íslenskum leir 1930 - 1970.
Sýningin byggir á rannsóknum á tímabilinu 1930 - 1970 í sögu keramiklistar á Íslandi.


Sagan er sögð í gegnum gripi frá fyrstu leirkeraverkstæðum sem störfuðu á Íslandi. Verkstæðin sem um ræðir eru: Listvinahúsið, Funi, Laugarnesleir, Lerbrennsla Benedikts Guðmundssonar, Roði / S.A. keramik og Glit.


Auk þess að leiða gesti í gegnum söguna mun Þóra veita innsýn inn í viðbrögð safnsins við jarðskjálftunum sem dunið hafa yfir undanfarið.


Samtímis sýningunni kom út samnefnd bók sem byggir á rannsóknum Ingu Ragnarsdóttur. Höfundar bókarinnar eru Inga S. Ragnarsdóttir og Kristín G. Guðnadóttir.
Minningarsjóður Ragnars Kjartanssonar gefur bókina út.

Lesa áfram

Textílhönnuðurinn og listakonan Ýr Jóhannsdóttir eða Ýrúrarí býður upp á opnar smiðjur í skapandi fataviðgerðum í Hönnunarsafni Íslands.


Smiðjan býður upp á verkfæri, efnivið og aðstöðu fyrir útsaum, prjón, þurr þæfingu, vélsaum og ýmiskonar fræðsluefni um fataviðgerðir. Þátttakendur eru hvattir til að mæta með flíkur sem þarf að lappa upp á eða breyta. Einnig er í boði að taka að sér peysu sem þarfnast viðgerða frá fatasöfnun Rauða Krossins á Íslandi. Ef þáttakendur eru með sína eigin hugmynd að fataviðgerð er um að gera að koma með eigið garn eða efnivið fyrir viðgerðina.
Þáttakendur þurfa ekki að hafa neina reynslu af fataviðgerðum til að taka þátt. Gert er ráð fyrir því að ef börn vilja taka þátt komi þau í fylgd fullorðins. 

Smiðjurnar eru fríar, fullt aðgengi er í rýmið og geta þáttakendur fengið aðstoð á bæði íslensku og ensku.

Lesa áfram

Sunnudaginn 7. mars frá 12:15 - 15:00 býður textílhönnuðurinn og listakonan Ýr Jóhannsdóttir (Ýrúrarí) upp á opna smiðju í skapandi fataviðgerðum í Hönnunarsafni Íslands.

Lesa áfram

Sunnudaginn 28. febrúar frá 12:15 - 15:00 býður textílhönnuðurinn og listakonan Ýr Jóhannsdóttir (Ýrúrarí) upp á opna smiðju í skapandi fataviðgerðum í Hönnunarsafni Íslands.

Lesa áfram

Syningin Deiglumór, keramik úr íslenskum leir er komin í bómull og box. Það má skoða hana svona á meðan hættuástandið varir og frítt inn á safnið á meðan en þetta er auðvitað ekki það sem lagt var upp með. 

Lesa áfram

Sunnudaginn 21. febrúar kl 14:00 mun Inga S. Ragnarsdóttir, myndlistarmaður og annar af sýningarstjórum sýningarinnar ganga með gestum um sýninguna Deiglumór. Keramik úr íslenskum leir 1930 - 1970.

Sýningin byggir á rannsóknum Ingu á tímabilinu 1930 - 1970 í sögu keramiklistar á Íslandi. Þar má sjá gripi frá fyrstu leirkeraverkstæðum á Íslandi. Þeir frumkvöðlar sem ráku verkstæðin lögðu áherslu á að nýta íslenskan leir í gripina. Verkstæðin sem um ræðir eru: Listvinahúsið, Funi, Laugarnesleir, Lerbrennsla Benedikts Guðmundssonar, Roði / S.A. keramik og Glit.

Samtímis sýningunni kemur út samnefnd bók sem byggir á rannsóknum Ingu. Höfundar bókarinnar eru Inga S. Ragnarsdóttir og Kristín G. Guðnadóttir.

Minningarsjóður Ragnars Kjartanssonar gefur bókina út.
Inga er dóttir Ragnars Kjartanssonar leirlistamanns.

 

Lesa áfram

Sunnudaginn 21. febrúar frá 12:15 - 15:00 býður textílhönnuðurinn og listakonan Ýr Jóhannsdóttir (Ýrúrarí) upp á opna smiðju í skapandi fataviðgerðum í Hönnunarsafni Íslands.

Lesa áfram

Í tilefni af 40 ára afmæli Leirlistafélags Íslands verður kveikt á 44 ljóskerum fyrir utan Hönnunarsafn íslands fimmtudaginn 4. febrúar kl. 18 - 20. Viðburðinn er hluti af Vetrarhátíð og stendur frá 4 - 7 febrúar.
Kveikt verður á ljóskerunum alla dagana sem Vetrarhátíð stendur yfir og munu þau loga til kl. 20 á kvöldin.
Leirlistamenn sem taka þátt eru:

Lesa áfram

Sunnudaginn 31. janúar er lokadagur sýningarinnar 100% ULL.

Af því tilefni ætla Birgir Örn Jónsson sýningarstjóri og Sigríður Sigurjónsdóttir forstöðumaður Hönnunarsafns Íslands að vera með leiðsögn um hana þann sama dag.

Ullarvinnsla hefur löngum verið samofin handverks-og iðnaðarsögu þjóðarinnar og eru nú um 750 tonn af ull nýtt í ullarframleiðslu á hverju ári.

Á sýningunni er hægt að fræðast um sex ólík verkefni íslenskra hönnuða og fyrirtækja þar sem íslenska ullin er nýtt á ýmsa vegu.

Þeir hönnuðir og fyrirtæki sem taka þátt í sýningunni eru:

Kula by Bryndís, Ásthildur Magnúsdóttir vefari, Ró, Kormákur og Skjöldur, Magnea og Ístex.

Lesa áfram

Birgir Örn Jónsson, arkitekt  og Signý Þórhallsdóttir, fatahönnuður eru sýningarstjórar sýningarinnar 100% ULL. Þau sjá um leiðsögn laugardaginn 23 janúar kl. 14.00.

Nauðsynlegt er að kaupa miða fyrirfram sökum fjöldatakmarkana. Hér er tengill á miðasölu.

https://tix.is/is/event/10862/lei-sogn-um-syninguna-100-ull/

Lesa áfram