Út er komin bókin Gunnar Magnússon, húsgögn og innréttingar. Hönnunarsafn Íslands gefur bókina út í samstarfi við fjölskyldu Gunnars. Dr. Ásdís Ólafsdóttir listfræðingur hefur rannsakað feril Gunnars, hún ritar ítarlegan texta um feril hans og lýsir helstu verkum í máli og myndum.

Gunnar Magnússon er meðal afkastamestu og frumlegustu húsgagnahönnuða og innanhússarkitekta okkar og hefur markað djúp spor í sjónræna  vitund og daglegt umhverfi margra Íslendinga. Á yfir fjörutíu ára starfsferli teiknaði hann húsgögn og innréttingar  fyrir einstaklinga, fyrirtæki og stofnanir, hannaði skákborðið fyrir „einvígi aldarinnar“, vann að hönnun innréttinga í skip og flugvélar, tók þátt í fjölda sýninga og
kenndi um árabil við Iðnskólann í Reykjavík.  Þar hafði hann sterk áhrif á komandi kynslóðir hönnuða og handverksmanna.

Snæfríð Þorsteins og Hildigunnur Gunnarsdóttir hönnuðu bókina og ljósmyndir voru teknar af Vigfúsi Birgissyni. 

Viðtal við Ásdísi Ólafsdóttur listfræðing vegna útgáfu bókarinnar má nálgast á hér.

Bókin verður til sölu í bókaverslunum, hönnunarbúðum og galleríum.


Í Kraum, safnbúð, er gott úrval af íslenskri hönnun, bókum og skemmtilegum jólavörum.

Verið velkomin!

Opið þriðjudaga til sunnudaga, kl. 12-17.