Pétur H. Ármannsson flytur fyrirlestur um hús Högnu Sigurðardóttur arkitekts á Íslandi sunnudaginn 6. mars kl. 16. Fyrirlesturinn er haldinn í tengslum við skráningu á verkum Högnu sem staðið hefur yfir síðustu þrjá mánuði í opnu rannsóknarými safnsins.

Pétur hafði milligöngu um það að fjölskylda Högnu færði Hönnunarsafni Íslands teikningarnar að gjöf.

Best er að tryggja sér miða hér á tix.is þar sem sætaframboð er takmarkað. Aðgangur 1000 kr..
 

Velkomin í innflutningsboð hjá STUDIO ALLSBER og opnun á sýningunni SUND laugardaginn 5. mars í Hönnunarsafni Íslands.

Þar sem þessar sýningar hófust á tímum samkomutakmarkana fögnum við nú þegar tækifæri gefst.

Studio allsber samanstendur af vöruhönnuðunum Agnesi Freyju Björnsdóttur, Silvíu Sif Ólafsdóttir og Sylvíu Dröfn Jónsdóttur. Samtöl fólks í sundlaugum og samband manna og fugla munu koma við sögu í hönnunarferlinu sem lýkur með uppskeruhátíð á HönnunarMars 2022.

Sýningin SUND nær yfir tímabilið frá sundvakningunni við upphaf 20. aldar til dagsins í dag. Sagan sem hún segir af sundlaugamenningu er um leið ylvolg sagan af íslensku nútímasamfélagi með léttri angan af klór og hveralykt, gufuslæðu og skvampi.

Sýningarstjórar: Valdimar T. Hafstein, þjóðfræðingur og Brynhildur Pálsdóttir, hönnuður.

Vegna samkomutakmarkana frestum við eftirfarandi viðburðum sem auglýstir eru í dagskrárbæklingi Garðabæjar:

Opnun sýningarinnar Sund færist til 1. febrúar.

Leiðsögn um sýninguna Sund með Sigríði Sigurjónsdóttur og Valdimari T. Hafstein. (30. janúar)

Fríhendis Flóra- námskeið í útsaumi með Sunnu Örlygs.(3.febrúar)

Regnbogasmiðja fyrir fjölskyldur. (6.febrúar)

Viðburðir tengdir Safnanótt og Vetrarhátíð. (4. - 6. febrúar)

Fyrirlestur Péturs Ármannssonar um arkitektúr Högnu Sigurðardóttur. (13. febrúar)

Fyrirlestur arkitektanna Hrefnu Bjargar Þorsteinsdóttur og Hólmfríðar Ósmann Jónsdóttur um skráningu á verkum Högnu Sigurðardóttur arkitekts. (20. febrúar)

Leisðögn Þóru Sigurbjörnsdóttur og Árna Jónssonar um sýninguna Sund. (27. febrúar).

Kristín Þorrkelsdóttir verður sjálf í safninu á milli kl. 13-15 á síðasta degi sýningarinnar.